Frika dhe misteri janë dy elementë që tërheqin miliona turistë drejt vendeve më të frikshme në botë.
A jeni gati të eksploroni këto atraksione të errëta, të mbushura me histori makabre dhe legjenda të frikshme?
Në këtë artikull, do të zbulojmë 7 nga vendet më të frikshme që do t’ju lënë pa frymë.
1. Ossuari i Sedlec – Sedlec, Çeki
Në këtë kishë të vogël katolike, eshtrat e rreth 40 mijë njerëzve janë vendosur artistikisht, duke krijuar një atmosferë të çuditshme dhe të frikshme. Një nga veprat më të njohura është llamba e bërë nga kockat njerëzore, e cila tërheq vëmendjen e vizitorëve. Historia e saj fillon në vitin 1278, kur abati i Sedlec solli eshtra nga Jerusalemi për të bërë vend për të rinjtë, duke krijuar kështu këtë vend të veçantë.
2. Shpella e Magjistares së Bell-it – Tennessee, SHBA
Legjenda e kësaj shpellë është e njohur për mallkimin e familjes Bell nga një magjistare. Ajo, sipas tregimeve, helmoi John Bell dhe torturoi vajzën e tij, Betsy. Vizitorët e sotëm mund të eksplorojnë shtëpinë e John Bell-it dhe shpellën, ku besohet se ende qarkullon shpirti i magjistares. Një histori që ka tërhequr vëmendjen e shumë njerëzve, duke përfshirë edhe presidentin Andrew Jackson.
3. Ishulli i Kukullave – Teshuilo, Meksikë
Ky ishull është i njohur për kukullat e tij të frikshme, të cilat janë varur në pemë nga Don Julian Santana. Ai i mbledh këto kukulla për të bërë dhurata për shpirtin e një vajze të mbytur. Pamja e kukullave të dëmtuara që varen si hije të fëmijërisë së humbur është e frikshme, por qëllimi i Don Julian ishte të jepte lodra për shpirtin e vajzës që nuk arriti të rritej kurrë.
4. Ishulli i Luftanijes – Nagasaki, Japoni
I njohur si Hashima ose Gunkanjima, ky ishull dikur ishte një qendër industriale me mijëra minatorë. Pas mbylljes në vitin 1974, ishulli është braktisur dhe duket si një qytet fantazmë. Atmosfera e tij e izoluar dhe ndërtesat e rrënuara e bëjnë këtë vend një atraksion të frikshëm për vizitorët, të cilët mund të eksplorojnë historinë e tij të errët.
5. Katakombet e Parisit – Francë
Nën rrugët e Parisit ndodhen rreth 6 milion skelete njerëzish, të vendosura në labirinte të errëta. Këto katakombe u krijuan për të zgjidhur problemin e varrezave të mbingarkuara. Sot, ato janë një nga atraksionet më të frikshme të qytetit, por gjithashtu edhe më të rrezikshmet. Një ngjarje e fundit tregon se dy adoleshentë humbën për tri ditë në tunelin e pafund, duke e bërë këtë vend edhe më misterioz.
6. Ishulli Poveglia – Venecia, Itali
Ky ishull ka një histori të errët, duke shërbyer si zonë karantine për të prekurit nga murtaja dhe më vonë si azil psikiatrik. Legjendat flasin për një mjek sadist që torturonte pacientët e tij dhe përfundoi duke hedhur veten nga kambanorja. Sot, ndërtesat e ndryshkura janë ende në këmbë, duke e bërë këtë vend një atraksion të frikshëm për ata që guxojnë të vizitojnë.
7. Krateri i Darvazës – “Porta e Ferrit”, Turkmenistan
Në mes të shkretëtirës së Karakumit ndodhet një gropë me zjarr që digjet pandërprerë prej më shumë se 50 vitesh. E njohur si “Porta e Ferrit”, kjo gropë u krijua aksidentalisht nga gjeologët sovjetikë. Flakët vazhdojnë të digjen edhe sot, duke e bërë këtë vend një mrekulli të frikshme natyrore. Megjithatë, për shkak të rregullave të rrepta të vizave, Turkmenistani mbetet një nga vendet më të vështira për t’u vizituar.
