Një i moshuar ka mbetur i plagosur rëndë me thikë pas një sherri të ndodhur pasditen e sotme në Himarë.
I dëmtuar ka mbetur 69-vjeçari i identifikuar si Përparim Popa. Mbeten ende të panjohura dinamika dhe shkaqet e krimit, teksa po hetohet për identifikimin dhe kapjen e autorit.
Ai ka marrë dëmtime në zonën e kraharorit kryesisht dhe është dërguar menjëherë drejt spitalit për mjekim.
Pasi i është dhënë ndihma e parë në Himarë, mësohet se i moshuari është përcjellë menjëherë për mjekim të specializuar në spitalin e Vlorës.
Policia ndodhet në vendngjarje dhe, së bashku me grupin hetimor, po punon për të zbardhur rrethanat e këtij incidenti.
