Deputeti demokrat i zgjedhur nga votimet e 11 majit për qarkun e Lezhës, Gjin Gjoni ishte pasditen e sotme në News24, teksa ndër të tjera foli edhe për dhunën shtetërore ndaj këtij televizioni 3 javë më parë.
Gjoni thekson se sulmi është ndaj një mediaje të lirë dhe ndaj shtyllës më kryesore në demokraci. Nga ana tjetër sipas tij, kemi të bëjmë me një situatë të paprecedentë për një vend që pretendon të hyjë në Bashkimin Evropian.
Deputeti i zgjedhur i PD-së Gjin Gjoni: Në këndvështrimin politik, mendoj se mediat dhe drejtësia janë dy shtyllat kryesore të demokracisë. Në rast se një nga këta elementë bie, edhe shteti ka rënë e shteti nuk është më demokratik. Sulmi ndaj News24 është sulm ndaj medias së lirë dhe ndaj shtyllës kryesore të demokracisë. Sulmi ka qenë i hershëm dhe pasojat e veta i dha disa ditë më parë, ku u bllokua TV.
Situata është e paprecedentë, në një shtet që pretendon të jetë pretendent që të jetë pjesë e Bashkimit Europian. TV News24 sot funksionon, përcjell zërin e pavarur. Neës24 ndiqet më shumë nga publiku shqiptar. News24 dhe Syri TV ndiqen, sepse janë të vetmet që bëjnë oponencë reale ndaj qeverisë.
