“Mbyllja e News24 precedent i rrezikshëm për lirinë e medias në Evropë”- Qendra Evropiane për Lirinë e Shtypit dhe Medias: Qeveria s’ka dhënë ende një shpjegim ligjor

Qendra Evropiane për Lirinë e Shtypit dhe Medias thotë se mbyllja e TV News24 dhe bastisja e godinave të Focus Media Group nga policia dhe ushtria janë precedent i rrezikshëm për lirinë e medias në Evropë.

Përmes një postimi në Facebook Qendra Evropiane për Lirinë e Shtypit dhe Medias kërkon transparencë, llogaridhënie dhe një fund të menjëhershëm të bllokadës.

Postimi në Facebook

Që nga 9 gushti, Focus Media Group në Shqipëri ka qenë nën bllokadë policore, duke prekur News24, BalkanWeb, Panorama, Gazeta Shqiptare dhe media të tjera të lidhura me të.

230 punonjës janë të bllokuar jashtë vendit të tyre të punës. Qeveria ende nuk ka dhënë një shpjegim ligjor publik.

Ky është një precedent i rrezikshëm për lirinë e medias në Evropë. Ne kërkojmë transparencë, llogaridhënie dhe një fund të menjëhershëm të bllokadës.