Fotoja që shihni më poshtë është e çiftit Kolë Manaj dhe Anila Prendushi, të cilët tronditën qytetin e Shkodrës paraditen e sotme, pasi 34 vjeçari qëlloi në kokë me armë zjarri 44 vjeçare, e më pas i riu vrau veten.
Raportohet se e plagosura është nënë e 3 fëmijëve. Sipas informacioneve, Prendushi pas ndarjes nga ish-burri i saj, babai i 3 fëmijëve, ka nisur bashkëjetesën me Kolë Manaj, i cili dhe e qëlloi me armë zjarri në kokë 44 vjeçaren.
Ngjarja e rëndë ka ndodhur rreth orës 11:15, në lagjen “Mark Lula”, ku çifti është gjetur brenda automjetit tip “Volkswagen”.
Sipas të dhënave paraprake, i riu ka qëlluar të dashurën me plumb në kokë, ndërsa arma e krimit është gjetur në mjet.
I riu ka ndërruar jetë në vendngjarje, ndërsa vajza është gjetur me shenja jete por ndodhet në spital në gjendje të rëndë shëndetësore.
Ndërkohë policia ka sekuestruar kamerat e sigurisë për të zbardhur dinamikën e ngjarjes.
Dyshohet se fillimisht ka pasur konflikt mes djalit dhe vajzës brenda makinës, e më pas janë dëgjuar të shtënat me armë zjarri.
NJOFTIM
Shkodër/Informacion paraprak
Rreth orës 11:15, në lagjen “Mark Lula”, janë gjetur në një automjet, shtetasi K. M., 34 vjeç dhe shtetasja A. P., me plagë të shkaktuara nga armë zjarri.
Shtetasi K. M. ka humbur jetën, ndërsa shtetasja A. P. është dërguar në spital, në gjendje shumë të rëndë.
Shërbimet e Policisë kanë shkuar menjëherë në vendin e ngjarjes dhe po kryejnë veprimet hetimore për rastin.
Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë.
Grupi hetimor, në drejtimin e Prokurorisë, vijon punon për zbardhjen e rrethanave të ngjarjes.
