Mbrojtësi kosovar Mërgim Vojvoda ka bërë një ndryshim klubi, por jo edhe kampionati, pasi është transferuar nga Torino te Como, një tjetër skuadër që luan në Serie A.
Siç ka njoftuar Como 1907, Vojvoda ka nënshkruar një kontratë që do ta mbajë atë në klub deri në vitin 2028. “Mbrojtësi me përvojë ka kaluar më shumë se 100 ndeshje me Torino, ndërsa ka qenë një figurë kyçe për Përfaqësuesen e Kosovës që nga debutimi i tij në vitin 2016, duke grumbulluar më shumë se gjashtëdhjetë paraqitje”, ka njoftuar klubi italian.
Trajneri i Cesc Fàbregas, duke komentuar transferimin, ka thënë se Vojvoda do ta forcojë mbrojtjen. “Mërgim sjell përvojë, këmbëngulje dhe forcë mbrojtëse në skuadrën tonë. Aftësia e tij për të luajtur në disa pozita mbrojtëse dhe përvoja në Serie A do të jenë të çmuara për forcimin e linjës tonë mbrojtëse”, ka thënë trajneri spanjoll.
