Dy të rinj, të moshës 23 dhe 24 vjeç, janë arrestuar nga uniformat blu të Dibrës, pasi shisnin lëndë narkotike kanabis, të cilën e kamuflonin si cigare.
Në pranga kanë rënë shtetasit H.G., 23 vjeç dhe S.R., 24 banues, të dy banues në Peshkopi.
Të rinjtë përpunonin kanabisin, e ndanin atë në cigare dhe e kamuflonin duke e futur në paketa duhani.
Në një prej lokaleve të përdorur nga 24 vjeçari, policia gjeti dhe sekuestroi nën cilësinë e provës materiale lëndë narkotike kanabis, të ndarë në doza në formë cigareje, sasi të tjera të papërpunuara, një grirëse dhe 5 aparate celularë.
Materialet procedurale i kanë kaluar Prokurorisë për veprime të mëtejshme.
Njoftimi i policisë
Policia e Dibrës ka finalizuar operacionin policor të koduar “Kamuflimi”, në bashkëpunim me Seksionin për Hetimin e Narkotikëve dhe Komisariatin e Policisë Dibër.
Si reultat, janë arrestuar në flagrancë dy shtetas, H.G., 23 vjeç, dhe S.R., 24 vjeç, banues në Peshkopi.
Gjatë kontrolleve në një lokal të përdorur nga 24-vjeçari, policia zbuloi dhe sekuestroi lëndë narkotike të dyshuar kanabis, të ndarë në doza në formë cigareje, sasi të tjera të papërpunuara, një grirëse dhe pesë aparate celular. Sipas hetimeve, dy të rinjtë përpunonin kanabisin, e ndanin atë në cigare dhe e kamuflonin duke e futur në paketa duhani.
Materialet procedurale i janë dorëzuar Prokurorisë për hetime të mëtejshme. Operacioni u realizua pas informacioneve të siguruara në rrugë operative, për të goditur veprimtarinë kriminale në fushën e narkotikëve.
