Zyrtare: UEFA e dënon Ramosin me dy ndeshje moslojë

Komisioni i Disiplinës në UEFA, ka marrë vendimin duke e dënuar me dy ndeshje Sergio Ramosin për kartonin e verdh me qëllim ndaj Ajaxit.

Disiplina ka vendosur ta ndëshkojë Ramosin me dy ndeshje pezullim, duke e humbur lojtari ndeshjen e kthimit ndaj Ajaxit, por edhe ndeshjen e parë çerekfinale nëse Reali kalon tutje.

Ky është një veprim i përsëritur nga Sergio Ramos, dhe vendimi mund të kishte qenë edhe më i rëndë, pikërisht për këtë arsye.

Ramos e Dolberg – (Getty Images)

Diçka të tillë, ai kishte bërë edhe në sezonin 2010-2011, po ndaj Ajaxit, ku ai dhe Xabi Alonso, morën një karton të verdhë për të munguar qëllimisht në ndeshjen pas saj.

Lexo po ashtu:

Në atë kohë fajtor për rastin ishte cilësuar Jose Mouriho dhe lojtarët nuk kishin pësuar.

Trupi drejtues i futbollit evropian kishte vendosur për një akt të tillë më herët gjatë sezonit, ku Geoffrey Kondogbia dhe Jesus Corona u dënuan me nga dy ndeshje për marrjen e kartonit me qëllim.

Ramos gjatë ndeshjes ( Getty Images)

Real Madridi pritet që ta ankohet, por problem do të jetë që të shlyhet ky dënim. / Telegrafi/

TAGS