Ylli i Manchester Cityt infektohet me koronavirus

Ylli i Manchester Cityt infektohet me koronavirus

Ylli i skuadrës së Manchester Cityt është infektuar me virusin Covid-19.

Sulmuesi i Manchester City, Sergio Aguero, ka njoftuar se është infektuar me koronavirus dhe ndodhet në vetizolim.

Përfaqësuesi i Argjentinës tregoi se ka dalë pozitiv në testin për COVID-19 dhe se ka simptoma të virusit, po ashtu.

Aguero po e përjeton një sezon të vështirë këtë vit, pasi i ka bërë vetëm nëntë paraqitje për skuadrën e Pep Guardiolës deri tani.

Ai mungoi në dy ndeshjet e fundit për Man City kundër Crystal Palace dhe Aston Villa, pasi ndodhej i ngujuar për shkak se kishte pasur kontakt të afërt me një person me virus.

Dhe tani është infektuar edhe vetë dhe po përjeton simptoma.

“Pas një kontakti të afërt, jam vetizoluar dhe në testin më të fundit që e kam bërë, kam dalë pozitiv me COVID-19”, shkroi Aguero në Tëitter.

“Kam pasur simptoma dhe po i ndjek udhëzimet e doktorit për riaftësim. Bëni kujdes të gjithë”, shtoi ai.

Me gjasë, Aguero do të mundojë edhe në tri ndeshjet e ardhshme të City, kundër Cheltenham, Ëest Brom dhe Sheffiled United në 10 ditët e ardhshme.

TAGS