Sven Mislintat nuk është në planet e Bayern Munichut

Bayern Munich nuk do të bëjë ndonjë lëvizje për angazhimin e shefit të larguar të Arsenalit, Sven Mislintat.

Ish-skauti i Borussia Dortmundit ka qenë i lidhur me skuadrën bavareze, por duket se për momentin nuk do të bëhet ndonjë ofertë.

Pasi u konfirmua largimi i gjermanit nga londinezët muajin e kaluar, BILD shkruan sot se destinacioni i ardhshëm i zbuluesit të talentëve nuk do të jetë Rekordmeister.

Drejtori sportiv i Bayernit, Hasan Salihamidzic është i lumtur dhe i kënaqur me punën e gjertanishme të Marco Neppes.

Kujtojmë se nga viti 2006 deri në vitin 2017, Mislintat ka punuar si një skaut për Borussia Dortmundin përpara se të transferohej në Arsenal.

Lexo po ashtu:

Theksojmë se kampioni në fuqi i ligës elitare gjermane do të largojë disa prej futbollistëve dhe do të freskojë radhët e veta me lojtar të ri.

Ndryshe, Bayerni aktualisht është në pozitën e dytë të renditjes tabelore të Bundesligës, ku lider është Borrusia Dortmund. /Telegrafi/

TAGS