Schalke 04 mbetet në fund, mposhtet edhe nga Koln

Schalke 04 mbetet në fund, mposhtet edhe nga Koln

Schalke 04 nuk del dot nga kriza në të cilën është zhytur prej muajsh. Skuadra nga Gelsenkirsheni e mbylli fazën e parë të Bundesligës në vendin e fundit me 17 pikë të grumbulluara, pasi u mposht edhe në përballjen direkte ndaj Koln me rezultatin 1-2.

Pas një pjese të parë të dominuar Koln kaloi në epërsi me Czichos. Gjithsesi skuadra e trajnerit zviceran Gross reagoi në fraksionin dhe pavarsisht mungesave të shumta gjeti forcën për të reaguar duke barazuar rezultatin me sulmuesin 19-vjeçar amerikan Hoppe në minutën e 57-të.

Atëherë kur gjithçka u duk se dy skuadrat do të ndanin nga një pikë, Koln arriti të gjente golin e fitores dhe të 3 pikëve, pikërisht në minutën e 93-të me Thielmann i cili kishte vetëm 5 minuta që kishte hyrë në fushë.

Me këtë fitore formacioni i Marcus Gisdol u ngjit në kuotën e 15 pikëve, duke iu larguar edhe zonës play-out pasi aktualisht pozicionohet në vendin e 15-të.