Përfundon ndeshja: United barazon në takimin e parafundit në Premier Ligë

Përfundon ndeshja: United barazon në takimin e parafundit në Premier Ligë

Ky është rezultati

Manchester United ka barazuar sonte në Old Trafford kundër skuadrës tashmë të rënë nga Premier Liga, Fulham. Edinson Cavani shënoi një gol të bukur në minutën e 15-të derisa barazoi Bryan në minutën e 76-të

Manchester United duhet të pret ndeshjen e fundit për t’u konfirmuar nënkampion i Premier Ligës.
Kjo pasi që sonte ata kanë barazuar me rezultat 1-1 në ndeshjen e parë me tifozë për këtë sezon në Premier Ligë.

Pjesa e parë filloi me dominimin e Manchester në posedim por edhe me raste, por goli i parë në ndeshje erdhi në minutën e 15-të të ndeshjes, shkruan GazetaExpress.
Ishte Edinson Cavani që mori një top të mirë në mesfushë nga Bruno Fernandes dhe pasi del përpara dhe sheh daljen e portierit, ai shënon gol të bukur duke parabolluar portierin e skuadrës mysafire.

Në pjesën e parë, United do të shënonte disa gola por që nuk i shfrytëzuan rastet e tyre si duhet.

Pjesa e dytë do të fillonte më keq për United.

Ata nuk rrezikuan portën e mysafirëve sa duhet dhe një dalje e Fulham përpara bëri që ata ta barazojnë rezultatin.

Reid do ta gjente në zonë të lirë Joe Bryen për të shënuar gol me kokë dhe barazuar rezultatin në minutën e 76-të.

Deri në fund të ndeshjes, United u mundua që të kalonte në epërsi dhe me këtë fitore ta mbyllte çështjen e nënkampionit të Anglisë, por nuk ia doli dot.

Megjithatë, United mund të shpallet që sonte nënkampion në rast se Chelsea arrin fitore kundër Leicesterit në orën 21:15.

Me këtë barazim United do të këtë 71 pikë në vendin e dytë, derisa Fulham ka 28 pikë dhe është në vendin e 18-të, që do të thotë se sezonin e ri do të luajë në Championship.

TAGS