Për Ibrahimovicin vitet janë vetëm numëra, merr këtë vendim për Milanin

Për Ibrahimovicin vitet janë vetëm numëra, merr këtë vendim për Milanin

Ibrahimovic do të nënshkruajë kontratë të re me Milanin.

Zlatan Ibrahimovic do të vazhdojë kontratën e tij me Milanin, duke nënshkruar një marrëveshje të re deri në qershor të vitit 2023.

Gjigantët e Serie A thuhet se do të hapin bisedimet me sulmuesin e tyre suedez pas afatit kalimtar të dimrit.
Sulmuesi veteran është fituesi më i madh te Milanit me një pagë prej 7 milionë eurosh në vit dhe marrëveshja e tij aktuale përfundon në qershor të 2022.

Ibrahimovic ndihet mirë në Milano dhe klubi është i kënaqur me paraqitjet e tij. Ndaj dy palët pritet të arrijnë një marrëveshje pa problem.

Ibra ka shënuar tre gola në tetë paraqitje në të gjitha garat deri më tani këtë sezon dhe është i vendosur të qëndrojë në San Siro edhe për një vit.

Sipas La Gazzetta dello Sport, objektivi i Ibrahimovic është të luajë në Kupën e Botës 2022 që do të zhvillohet në Katar midis nëntorit dhe dhjetorit të vitit të ardhshëm.

Kuqezinjtë duan të finalizojnë zgjatjen e kontratës për Theo Hernandez, Rafael Leao dhe Ismael Bennacer përpara se të fillojnë negociatat me Ibran.

Zgjatjet e Alessio Romagnolit dhe Franck Kessie janë ndër prioritetet e Milanit, por të dy lojtarët nuk kanë gjasa të nënshkruajnë marrëveshje të reja në San Siro, që do të thotë se ata do të largohen në fund të kontratave të tyre në qershor 2022.

TAGS