Princi Harry do të jetë në gjendje të veshë uniformën e tij ushtarake të shtunën në një ceremoni për të nderuar kujtimin e gjyshes së tij, Mbretëreshës Elizabeth II, dhe gjithashtu në funeralin e saj. Vendimi i takonte babait të tij, mbretit Carless III . Për herë të parë në dy vjet e gjysmë, Harry do të jetë në gjendje të veshë uniformën e tij ushtarake, përcjell portali rtv21.tv
Duka i Sussex sapo festoi ditëlindjen e tij të 38- të më 15 shtator, në mes të një momenti të dhimbshëm për familjen. Ashtu si vëllai i tij Princi William dhe anëtarët e tjerë të familjes mbretërore që mbajnë poste ushtarake, Harry do të veshë uniformën e tij.
Vendimi i mbretit Charles III u mor pa kërkesë të Harry, zbulon People. Harry ishte i gatshëm të vishte çfarëdo veshje që i thuhej, pasi fokusi i tij tani është të nderojë gjyshen e tij të ndjerë.
Në janar, Mbretëresha Elizabeth II tërhoqi titujt dhe përgjegjësitë ushtarake si anëtar i familjes mbretërore nga djali i saj, Princi Andrew , lidhur me padinë kundër tij për abuzim seksual të dyshuar. Duka i Jorkut kaloi 22 vjet duke punuar në Marinën Mbretërore Britanike dhe ishte pilot në Luftën e Falklands në vitin 1982. Andrew ka mundur të mbajë medaljet e tij ushtarake në ngjarjet e fundit publike për të nderuar nënën e tij.
Mbretëresha Elizabeth II u nda nga jeta në moshën 96-vjeçare më 8 shtator . Një zëdhënës i Dukës së Sussex tha se prioriteti i Harry-t tani është të bëjë homazhe për gjyshen e tij të dashur dhe të kujtojë trashëgiminë e saj.
“Dekada juaj e shërbimit ushtarak nuk përcaktohet nga uniforma që vishni dhe ne kërkojmë me respekt që fokusi të mbetet në jetën dhe trashëgiminë e Madhërisë së Saj, Mbretëreshës Elizabeth II,” tha zëdhënësi. Hera e fundit që Harry veshi uniformën e tij ushtarake në një ceremoni zyrtare ishte në mars 2020 në Festivalin e Muzikës Mountbatten. Harry ishte një kapiten gjeneral në marinën mbretërore, ndër titujt e tjerë që humbi kur u transferua në Kaliforni me gruan e tij Meghan Markle në mars 2020 dhe hoqi dorë nga përgjegjësitë e tij si mbretëror britanik.
Princi Harry pritet të mbërrijë në funeralin e gjyshes më 19 shtator me veshje ushtarake./21Media
