MC Kresha: Ramë Lahaj ma rrënqeth çdo qelizë, gëzuar Kosovë pavarsinë

Hip hop ylli MC Kresha, ka uruar pavarësinëe Kosovës në formë të veçantë.

Ai ka shpërndarë këngën “Rrjedh në këngë e ligjerime” të interpretuar nga tenori Ramë Lahaj.

Me fjalë të mëdha ai vlerësoi tenorin duke uruar me këtë rast edhe pavarësinë e Kosovës.

“I nderumi Ramë Lahaj, ma rrënqeth çdo qelizë. Gëzuar Kosovë pavarësinë”, u shpreh Kresha në postim.

Për Mc Kreshën 11 vjetori i pavarësisë erdhi me angazhime të shumta.

Pikërisht sot doli në shitje albumi i tij me Lyrical Son, “United State of Albania” si simbolike për unitetin e shqiptarëve ku do që janë.

Albumi në vendin tonë mund të dëgjohet vetëm duke e porositur në faqen zyrtare PINT.al dhe albumi do të vijë në shtëpinë tuaj.

Jashtë vendit tashmë albumi është publikuar në platforma si Amazon, GooglePlay, Spotify, Deezer dhe iTunes.

Albumi “USA” përmban 23 këngë në mesin e të cilave shumë bashkëpunime me reperë të ndryshëm.

/Telegrafi/

TAGS