Kreu i një nga kompanitë më të mëdha të naftës në botë është emëruar për të udhëhequr bisedimet globale të klimës COP28 në Dubai, që do të mbahen më vonë gjatë vitit.
Sulltan Ahmed Al Jaber është aktualisht drejtor ekzekutiv i Kompanisë Kombëtare të Naftës Abu Dhabi.
Ai është gjithashtu ministër i tregtisë dhe i dërguari i klimës për mikpritësit e COP28, Emiratet e Bashkuara Arabe.
Aktivistët thonë se ai duhet të heqë dorë nga roli i tij në biznisin e naftës si president, pasi është një konflikt i qartë interesi, raporton BBC, përcjell Klankosova.tv.
Ata besojnë se dikush i zhytur në industrinë e naftës mund të mos i shtyjë vendet që të reduktojnë me shpejtësi prodhimin dhe përdorimin e karburanteve fosile, gjë që shkencëtarët thonë se është kritike për të shmangur ndryshimet e rrezikshme klimatike.
BB Media
Drejtimi i procesit të bisedimeve globale për klimën nuk është një punë e lehtë – për muaj më parë, dhe veçanërisht gjatë konferencës, çdo fjalë dhe veprim i presidentit shqyrtohet shumë.
COP28 tashmë është zhytur në disa polemika, pasi që Emiratet e Bashkuara Arabe, janë një nga prodhuesit më të mëdhenj në botë të naftës dhe gazit.