Interi vazhdon formën e dobët, mposhtet në shtëpi nga Bologna

Interi ka humbur me rezultat minimal 1-0 nga Bologna në ndeshjen e vlefshme për javën e 22-të të Serie A.

Pjesa e parë e ndeshjes u karakterizua me lojë të barabartë, por me mysafirët që ishin më konkret me raste, duke gjetur edhe një gol.

Goli i vetëm në këtë pjesë erdhi në minutën e 32-të dhe ishte sulmuesi Federico Santander, i cili shënoi me kokë për 0-1 pas asistimit të Eric Pulgar.

Santander shënoi golin e fitores (Foto: Emilio Andreoli/Getty Images/Guliver)

Interi tentoi në minutën e 42-të me anë të Mauro Icardit, por pa pasur sukses dhe skuadrat shkuan në pushim me epërsi minimale të Bolognas.

Në pjesën e dytë, Nerazzurrët u hodhën të gjithë në sulm duke krijuar shumë raste për gol.

Lautaro Martinez (62′, 90+), Ivan Perisic (80′) dhe Andre Ranochia (89′) patën raste për gol, por asnjëri nuk arritën t’i konkretizojnë dhe Bologna fitoi në fund 1-0.

Icardi nuk e gjeti golin as në këtë ndeshje (Foto: Emilio Andreoli/Getty Images/Guliver)

Pas kësaj ndeshje, Interi mbetet në vendin e tretë me 40 pikë, ndërsa Bologna ka 17 pikë në vendin e 17-të.

Në ndeshjen e radhës, Nerazzurrët udhëtojnë te Parma, ndërsa Bologna e pret Genoan. /Telegrafi/

TAGS