Gafa e Strakoshës, mediat kryqëzojnë gardianin kuqezi, në krahë i del Sarri

Gafa e Strakoshës, mediat kryqëzojnë gardianin kuqezi, në krahë i del Sarri

Kishim kohë që nuk e shihnim Thomas Strakoshën si titullar tek Lazio aq sa u kthye dhe në çështje. Zgjedhja e Simone Inzaghi nuk ishte rastësi, të njëjtën linjë mbajti edhe trajneri i ri Maurizio Sarri duke preferuar Reina titullar. Më në fund Strakosha u rikthye në portë në ndeshjen e parë në Europa League kundër Galatasaray.


Portieri i Kombëtares ishte me fat në pjesën e parë ku topi u përplas në shtyllë ndërsa në minutën e 66-të nuk arriti ti gjej kohën e duhur një topi pa shumë rrezikshmëri duke e dërguar në rrjetë, një autogol që vendosi këtë sfidë.

Ky detaj nuk mund ti shpëtonte kurrsesi mediave italiane që bënë përgjegjës Strakoshën për këtë humbje, por nuk e mendon në këtë mënyrë trajneri Sarri: “Humbja nuk lidhet vetëm me atë episod. Gabimet janë të lidhura me këtë sport, këtë herë e gabuam më shtrenjtë se duhet, por unë e shoh këtë ndeshje si një hap të vogël përpara që skuadra ka bërë”, u shpreh trajneri Sarri.

TAGS