Disiplina i bën presion Bylisit, i heq edhe tri pikë klubit të Kategorisë së Parë

Disiplina i bën presion Bylisit, i heq edhe tri pikë klubit të Kategorisë së Parë

Komisioni i Disiplinës eshte mbledhur sot për të marrë vendimet në lidhje me javën e parë të futbollit shqiptar. Organi përbërës i FSHF-së ka paralajmëruar klubin e Bylisit se nëse përsërit mospërmbushjen e përgjegjësive do të penalizohet sipas Kodit të Disiplinës Sportive.



Klubi i Luftëtarit është bërë sërish subjekt penalizmi. Gjirokastritët janë ndëshkuar me humbjen e ndeshjes së javës së parë në Kategorinë e Parë me Pogradecin 0-3 në tavolinë dhe zbritjen e 3 pike nga klasifikimi.

Ndëshkim të ashpër ka marrë dhe zyrtari i Kastriotit, Genci Lama, i cili eshte perjashtuar me 8 ndeshje, për sjellje josportive ndaj zyrtarit të takimit me Partizanin.

Disiplina ka përjashtuar me 5 ndeshje lojtarin e Përmetit Stavro Bidika, i cili në ndeshjen e fundit ka goditur me shkelm kundërshtarin. Ja vendimet e tjera:

Vendimet e Disiplinës

  1. KF Bylis, në bazë të nenit 12 të KDS, paralajmërohet se në rast të përsëritjes së dështimit në pëmbushjen e përgjegjësive, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
  2. Zyrtari i KS Kastrioti, Genci Lama për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti. Në zbatim të Nenit 19 të KDS zyrtarit i ndalohet qëndrimi në dhomat e zhveshjes, stolin e rezervave dhe ambientin përreth fushës.
  3. KF Luftëtari, për braktisjen e ndeshjes së vlefshme të Kategorisë së Parë kundër KF Pogradeci, në bazë të nenit 54/1 të KDS dhe Nenit 109/2/d të Rregullores së Veprimtarisë Futbollistike humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
  4. Lojtari i SHS Përmeti, Stavro Bidika, për goditje me shkelm ndaj kundërshtarit, në bazë të Nenit 47/1/e të KDS dënohet me 5 (pesë) ndeshje pezullim nga aktiviteti futbollistik.
  5. Zyrtari i SHS Përmeti, Bledar Hajredini, për protestë ndaj vendimeve të zyrtarit të ndeshjes, në bazë të Nenit 55/2 të KDS dënohet me 2 (dy) ndeshje pezullim nga aktiviteti futbollistik.
  6. Lojtari i FK Elbasani U-19, Emanuel Abdiaj, për sjellje josportive ndaj zyrtarit të ndeshjes, në bazë të Nenit 48/1/a të KDS dënohet me 4 (katër) ndeshje pezullim nga aktiviteti futbollistik.

TAGS