Arijanet Murqi po transferohet në Galatasarayt

Arijanet Murqi po transferohet në Galatasarayt

Portieri i Përfaqësueses së Kosovës, Arijanet Muriq do të largohet nga Adana Demirspori në fund të sezonit por jo edhe nga Superliga e Turqisë.

Mediumet turke kanë shkruar të hënën se Muriq do t’i bashkohet skuadrës së Galatasarayt, me kërkesën e trajnerit të ri, spanjollit Domenec Torrent.

Torrent është i bindur se portieri Muriq do të jetë përforcim i duhur për Galatasarayn sezonin tjetër pasi tashmë ka përvojë në elitën e futbollit turk. Mësohet se Torrent ka folur edhe me krerët e Cityt dhe parimisht ka arritur marrëveshje për huazimin e tij.

Trajneri Torrent ka marrëdhënie të shkëlqyera me Pep Guardiolan pasi ka punuar si asistent i tij te Bayerni dhe City ndërsa së fundi ka marrë drejtimin e gjigantit turk pas largimit të Fatih Terimit.

Muriq 23-vjeçar në fillim të këtij sezoni është huazuar te Adana Demirspori dhe këtë sezon ka 16 paraqitje për ekipin elitar të Turqisë,. Ai ka kontratë me Manchester Cityn deri në vitin 2024 kurse më herët ka qenë i huazuar edhe te Nottingham Foresti, Girona e Willem II. Ai në nëntor të vitit 2018 ka debutuar te Kosova dhe deri më tani ka 23 ndeshje të luajtura.