Chelsea e ka bërë prioritet transferimin e sulmuesit së Athletic Bilbaos Nico Williams për afatin kalimtar veror.
21-vjeçari e ka dëshmuar vetën si një yll te Bilbao që kur hyri në ekipin e parë para tre viteve, kurse ka kontribuar me gjashtë gola dhe 11 asistime në të gjitha garat këtë sezon.
Sipas “The Telegraph”, e ardhmja e Williams pritet të jetë larg Bilbaos në verë dhe Chelsea është skuadra më e fundit që po e pëlqen lojtarin, i cili ka një klauzolë lirimi në vlerën e 43 milionë eurove.
“Blutë” pritet të jenë mjaftë aktiv në afatin e verës pasi duan të përforcohen në sulm dhe Williams po i prinë listës pranë emrave si Victor Osimhen dhe Benjamin Sesko.
Për Williams interesim ka shprehur edhe rivali Manchester United, si dhe opsion mbetet edhe Barcelona – nëse spanjolli vendos të qëndrojë në La Liga.
Barcelona kuptohet do ta ketë më të vështirë ta marrë shkaku i gjendjes së rëndë financiare ngase nuk dihet nëse do të ishin të gatshëm ta paguajnë klauzolën e lirimit, pa të cilën Bilbao s’e lejon të largohet.
Përndryshe, Williams deri më tani ka refuzuar të komentojë të ardhmen pasi është i fokusuar që ta fitojë Kupën e Mbretit, ku në finale do të përballet me Mallorcan e Vedat Muriqit.
