Thumb: Politikë me “Hallall” çertifikatë

Pas shpalljes së listës së kandidatëve për zgjedhjet lokale nga ana e një subjekti politik në vend, edhe pse kaluan disa ditë, analistët më të zëshëm nuk e gjetën të arsyeshme të reagojnë kundër kandidatëve. Ashtu siç e kanë bërë çdo herë. 

Të interesuar për shkakun e kësaj heshtjeje Thumb bëri një hulumtim dhe erdhi në përfundim që ky subjekt politik ua paska “mbyllur gojën” analistëve me kandidatët e vet. Kjo ka ndodhur sidomos për arsye të njërit nga kandidatët i cili me profesion është homolog i një analisti të njohur dhe prej më të zëshmit në vend. Analist ky i cili u bë i njohur mes tjerash edhe me shkrimin e tij: “Kur nuk është hallall, nuk është për mbarë”. 

Pikërisht për këtë shkak dhe të motivuar nga kjo thënie, subjekti politik lansoi për një qytet, një kandidat i cili i përmbushë hallall standardet. Me këtë e arriti qëllimin e vet për t’i lënë analistët pa tekst. Pas kësaj qytetarëve ju mbetet vetëm ta presim hajrin nga hallalli.

__________________________________________________________________________________

Lajmet, informacionet, analizat që lexoni më poshtë NUK JANË TË VËRTETA, faktike dhe reale. Këto janë kontribut përqeshësh për faktet dhe realitetet e hidhura që kontribuesit e THUMB mendojnë se janë më lehtë të kuptueshme në këtë mënyrë ironike. Kontributet, idetë dhe materialet mund ti dërgoni në:  almakoss@gmail.com