Thumb: Torta, interesohen diktatorë nga Azia dhe Afrika

Pasi u bë publike torta e jashtëzakonshme me portretin e një lideri në të, shumë diktatorë nga Azia dhe Afrika hapur e manifestuan lakminë ndaj një torteje të tillë me portretet e tyre. Në disa vende për arsye se gjellëbërësve nuk ju kishte shkuar në mend një recetë e tillë, diktatorët ishin nevrikosur aq shumë sa që i kishin ekzekutuar gjellbërësit e tyre.

Megjithatë për tu tensionuar situata edhe më shumë, diktatorët që kanë mbetur pa gjellbërës si dhe ata tjerët, nga partia e kërkojnë urgjentisht recetën e tortës si dhe personin që e ka bërë atë. Partia vet, dukshëm e shqetësuar nga këto ngjarje të papritura dhe me siguri me qëllim për ta mbrojtur identitetin e personit në fjalë, pak si në huti ka deklaruar: “Tortën nuk e bëmë ne, atë e gjetëm në mesin tuaj”.

__________________________________________________________________________________

Lajmet, informacionet, analizat që lexoni më poshtë NUK JANË TË VËRTETA, faktike dhe reale. Këto janë kontribut përqeshësh për faktet dhe realitetet e hidhura që kontribuesit e THUMB mendojnë se janë më lehtë të kuptueshme në këtë mënyrë ironike. Kontributet, idetë dhe materialet mund ti dërgoni në:  almakoss@gmail.com