Facebook i paguan Microsoftit 550 milionë dollarë

Facebook do t’i paguajë ndërmarrjes Microsoft 550 milionë dollarë për qindra patenta të shitura së fundi nga AOL, që paraqet lëvizjen më të fundit të ndërmarrjes për të rritur pronën e vet intelektuale në përmendjen e bërë nga Yahoo.

Marrëveshja, pak kohë përpara kohës që Facebook pritet të ketë ofertë më të madhe publike në historinë e Silicion Valley, do t’i japë rrjetit shoqëror 650 patenta dhe aplikacione të patentave e po ashtu edhe licencën e 275 patentave dhe aplikacioneve të poseduara nga Microsoft.

Microsoft befasoi gjigantët e teknologjisë si Amazon dhe eBay më herët gjatë këtij muaji me blerjen që kushtoi më tepër se 1 miliard dollarë të patentës së ndërmarrjes AOL.

Vlerësimi i patentave është një proces i ndërlikuar dhe nuk ishte e qartë menjëherë nëse Microsoft përfitoi nga marrëveshja me Facebook.

Brad Smith, i cili është këshilltari i përgjithshëm i Microsoft, tha në një deklaratë të përgatitur gjatë të hënës që marrëveshja me Facebook ia mundëson “kopenzimin e gjysmës së shpenzimeve tona teksa i arrijmë qëllimet tona për marrjen e AOL-it.”

Facebook ishte një pjesëmarrës në blerjen e AOL, tregoi një burim për Reuters.

Marrëveshja e Facebookut me Microsoft vjen teksa ndërmarrja e rrjetit më të madh shoqëror në botë është duke u përgatitur për ofertën publike nismëtare që do të mund të kishte vlerën prej 100 miliardë dollarë dhe teksa Facebook lufton në një betejë ligjore me ndërmarrjen Yahoo.