Teuta Krasniqit ia “plasin filmin”

Kullerizimi i tepruar me sa duket ia ka “plas filmin” aktores dhe prezantueses së njohur, Teuta Krasniqit. Tashmë dihet se sidomos në kryeqendrën e Kosovës të jesh sa më “in” duhet të jesh sa më “cool”. Megjithatë, cdo gjë ka një kufi, të paktën sipas bashkëshortes së këngëtarit Blero.

Ajo në profilin e saj në Facebook, ajo e ka publikuar një status me këtë përmbajtje: “Allahile çka o kjo punë që krejt amerikan jeni bo, kërkush shqip nuk shkrun, I'm... with.. love... blla blla blla... hajt najherë është krejt ok me shkru veç qeshtu qysh ja ka nis doni me harru me fol e me shkru shqip. Jo që po kallxoj une naj patriotizëm por nime është ka teprohet kjo punë, palidhje bash palidhje..."I'm drinking çaj rusi with kikiriki & kifle"...stupid”

Disa miq e kanë përkrahur në këtë mendim, ndërsa disa të tjerë e kanë ironizuar dhe janë përpjekur ta komentojnë në shaka të ndryshme.

Sido që të jetë, e pandryshueshme mbetet e vërteta se në gjuhën shqipe, pos turqizmave dhe sllavizmave tashmë i janë shtuar edhe fjalët e huaja në gjuhën angleze, të cilat me të madhe po përdoren sidomos nga gjeneratat e reja./Almakos