Rona i "shkel" konkurrentët në sondazhet elektronike

Tashmë është vulosur se kush do të jetë fituesi i sivjetmë i festivalit të këngës evropiane “Eurovision”, të paktën sa i përket sondazheve elektroike. Në të gjitha anketimet publike, madje edhe në faqen zyrtare të këtij eventimeti, emri i vetëm që shfaqet si fitues i pakontestueshëm, është ai i këngëtares Rona Nishliu. Në një votim online, përfaqësuesja e Shqipërisë ka grumbulluar gati gjysmën e votave nga totali i përgjithshëm.

Sigurisht se ky nuk do të jetë mbase edhe rezultati përfundimtar që pritet të bëhet publik sonte, pas natës finale, mirëpo, ajo që mbetet e sigurt është se Rona Nishliu me këngën “Suus”, tashmë ka ngadhënjyer bindshëm në të gjitha sondazhet publike që janë një matës i përllogaritjeve që do të dalin nga Eurovizioni.

Në natën finale të Eurovizion 2012 do të marrin pjesë 26 finalistë, nga shtete të ndryshme të Evropës. Festivali i sivjetmë mbahet në Azerbajxhan./Almakos

Faqja ku mund të votoni "online" dhe të vazhdoni ta jepni përkrahjen për Rona Nishliun dhe këngën "Suus":   http://eurovisiontimes.wordpress.com/2012/05/25/eurovision-poll-who-will-win-eurovision-2012/