Kush janë Jasemini dhe Savashi, aktorët e serialit “Dashuri dhe dënim”?

Tashmë të gjithë janë familjarizuar me bukuroshen sy shkruar, e cila e luan rolin e Jaseminit në serialin “Dashuri dhe Dënim”, i cili është prodhim i vitit 2010. Emri i saj i vërtetë është Nurgyl Jeshilcaj. 

36 vjeçarja është një aktore shumë e suksesshme në Turqi. Është shfaqur në rolet kryesore në disa seriale dhe filma që i kanë thyer rekordet e shikueshmërisë në shtetin turk dhe më gjerë. 

Ka diplomuar në degën e dramaturgjisë. Ka fituar disa herë çmimin si “Aktorja më e mirë femër”. Sot ajo paguhet me se shumti ne Turqi per inetrpretimet ne projekte te ndryshme televizive.

Pas vetës ka lënë një divorc dhe tani jeton e ndarë me djalin e saj që i lindi nga martesa, e cila i zgjati gjashtë vite me një showmen turk. 

Ndërsa, Savashi i serialit “Dashuri dhe dënim”, në të vërtetë quhet Murat Jilldirëm.

Aktori 33 vjeçar është i diplomuar në fushën e makinerisë inxhinierike. Paralelisht e ka përfunduar edhe shkollën e lartë – degën e teatrit. Ka qenë pikërisht ky serial që ia ka hapur dyert e suksesit në karrierë.

Thuhet se interpretimi përkrah aktores Nurgyl Jeshilcaj, i ka hapur rrugë që të merrë oferta shumë serioze dhe të renditet si një prej aktorëve më të kërkuar në Turqi. ai është i martuar me një person të profesionit të njejtë.

Gruaja e tij është një aktore po aq e suksesshme dhe e njohur sa ai. Quhet Burçin Terzioğlu, ndërsa ju mund ta njihni për rolin e saj në serial “Ezel” si vajza e Ramiz Karaeskit, plakut që në vazhdimësi e mbron dhe i ndhmon Ezelit./Almakos