Adelina Tahiri: Nuk kam bërë seks me Noizy-n, intervista është e sajuar

Këngëtarja shqiptare nga Maqedonia, Adelina Tahiri, ka mohuar që të ketë bërë seks me reperin Noizy. Ajo ka thënë madje se intervista e këtij të fundit, ku pohonte se ka bërë seks të egër me disa këngëtare të njohura, mes të cilave edhe Adelina Tahiri dhe Tuna, është e sajuar dhe e pavërtetë.

“Unë nuk i kam parë gazetat, por një miku im ma ka thënë këtë lajm. Nuk është fare i vërtetë dhe atë intervistë nuk e ka dhënë Noizy, mesa kam marrë vesh edhe pas komunikimit vetë me atë. Unë në jetën time dy herë e kam takuar Noizy-n dhe nuk ka pasur kurrë një raport më shumë sesa miqësor apo respekt reciprok”, tja ajo për Mapo.

Ajo mes të tjerash ka mohuar edhe një lidhje të spekuluar mes saj dhe partnerit në spektaklin “Dancing With the Stars” në Maqedoni.

“Ky është një spekulim aspak i vërtetë. Djali për të cilin është folur është partneri im në kërcim, por jo në jetën reale. Veç kësaj ai është maqedonas, 34 vjeç, dhe është gay. Unë jam vetëm 20 vjeçe, por gjithmonë e kam thënë se nëse do të lidhem me dikë, ky do të jetë shqiptar. Unë mashkullin tim nuk e dua të një kombësie tjetër dhe ky rast s’ka lidhje fare, pasi siç shpjegova, atij as nuk i pëlqejnë femrat”, ka shtuar Adelina.