Dëshmia e 38 vjeçares: Si më dhunoi shefi i komisariatit nr.6

Evelina Shabani, një 38-vjeçare e divorcuar, nënë e një fëmije ka shkuar në polici për të kërkuar ndihmë pas dhunimit që kishte pësuar nga ish-bashkëshorti i saj. Por, sipas saj ka rënë “nga shiu në breshër”. Në një intervistë për Shqiptarja, ajo tregon dhunimin që thotë se i ka bërë shefi i komisariatit nr.6 Dritan Lamaj mesditën e së hënës. 

"Menjëherë sapo hyn shefi i komisariatit Dritan Lamaj, më drejtohet me fjalë fyese duke më bërtitur dhe duke më thënë tekstualisht: “Dëgjo këtu ti baxhellë e mutit, u bëre ti të më heqësh nga puna mua duke dërguar mesazhe gjithandej”. Më pas mu drejtua dhe me fjalë të tjera fyese që s’ia vlen ti përmend. Unë në këto momente kam shtangur dhe pasi më ofendoi Dritan Lamaj në sy të këtyre tre personave më ka pështyrë në fytyrë. Në këtë moment kthehem dhe i them : Çc’farë po bën? Kë po pështyn?”. Ai ma kthen duke më thënë: “Unë të degjeneroj fare”. Fill më pas më ka gjuajtur më grusht në nofull dhe nga kjo goditje më ka rënë të fiktë dhe pas rreth gjysmë ore e kam parë veten në një dhomë tjetër të komisariatit."- rrëfen në intervistën e saj Evelina Shabani.