Kryetari i komunës së Zhelinës Fatmir Izairi vet pyet vet përgjigjet!

Në hapjen e shtabit zgjedhor të BDI-së, në komunën e Zhelinës, Fatmir Izairi, i ka pyetur qytetarët se a ndjehen krenar për 4 vitet e kaluara të qeverisjes së tij, ndërkohë që më pas vetë është përgjigjur se qytetarë ndjehen krenar. Ai nuk ka pritur pohimin e qytetarëve për punën e tij, por ka pohuar shpjet dhe me vendosmëri se janë krenar. “Ne zgjedhjet e kaluara ju premtova se do të ju bëj të ndjeheni krenar juve si qytetarë të komunës së Zhelinës, e arita këtë?! Sigurisht që po “, tha kryetari aktual i komunës së Zhelinës, Fatmir Izairi .

Ai para një numri të vogël të të pranishmëve ka theksuar se ka bërë punë të cilat edhe nuk i ka premtuar, por ai ka harruar të thotë nëse i ka bërë punët që i ka premtuar. Në këtë takim nuk është kuptuar se kush ndjehet krenar dhe me cilin dhe çfarë ka premtuar dhe cilët janë ato punë që janë bërë jashtë premtimeve. Në kohën kur nuk i ka realizuar punët që i ka premtuar, kandidati Izairi, tregon punët që si ka premtuar. Ndryshe në hapjen solemne në komunën e Zhelinës ishte vetëm njëri ministër i Shemshovës./TetovaSot/