Me “5 drita” dëshiron të dal nga terri!?

Kryetari i komunës së Zhelinës, Fatmir Izairi i BDI-së, në prag të fushatës ka filluar t’i ndriçojë rrugët pas territ katërvjeçar të udhëheqjes me këtë komunë, ku ka dështuar në të gjitha drejtimet. Sipas shumë qytetarëve, kryetari aktual, Izairi, me aksionin për ndriçimin e rrugëve po përpiqet të mbulojë terrin katërvjeçar të menaxhimit me komunën.

“Kryetari Izairi, duket se po e heton humbjen në këto zgjedhje e tash në fund mundohet me pesë sjalica t’ua lajë kokën qytetarëve se po punon”, thotë një qytetar nga kjo komunë i cili dëshiron të mbetet anonim.

Shifrat nga zgjedhjet e fundit parlamentare vlerësohet se shkojnë në anën e opozitës, kur dihet që tre parti që kishin garuar në zgjedhjet e fundit tashmë  kanë kaluar në histori.

Nëse numri i votuesve është i njëjtë si në zgjedhjet e fundit, atëherë del që mbi 51 përqind të jenë për opozitën, ndërsa 40 përqind për kandidatin aktual. Në këtë kalkulim duhet të llogaritet edhe rënia e përqindjes për këtë kandidat në dy vitet e fundit që vlerësohet se është drastike./Tetova Sot/