Murat Jashari, Ali Ahmetit: Ti me ata oficerë spiunë, narkomanë, drogirantë e shitës keni me ecë shpejt, apo?

U bënë gati se një javë prej kur Murat Jashari, ia parashtrojë gjithsejë 286 pyetje publikisht Ali Ahmetit, liderit të BDI-së. Mirëpo si duket ky i dyti, ende nuk e ka parë të udhës t'iu përgjigjet këtyre pyetjeve, nga ana e bashkëveprimtarit dhe njërit nga themeluesit e LPK-së, Murat Jasharit.  

Në letrën e katërt me radhë, të titulluar si „Shkrime-kujtime.-testament”, Murat Jashari i kërkon nëpërmjet 286 pyetjeve llogari Ali Ahmetit, kreut të BDI-së. Pyetja e 99 e Murat Jasharit që ia parashtron Ali Ahmetit, është: Edhe ti me ata oficerë spiunë, narkomanë e drogirantë e shitës keni me ecë shpejt, apo?. 

Një pyetje tjetër të cilën kohë më parë e publikoi Almakos, për të cilën prej kohësh shqiptarët e Maqedonisë, me ngulmë dëshirojnë t'ia gjejnë përgjigjen, e të cilën Murat Jashari ia ka parashtruar Ali Ahmetit është: Si e përgatitët planin me e masakruar Harun Aliun me shokë?.

Përndryshe, Harun Aliu i njohur si Komandat "Kushtrimi", para disa vitesh u vra me tre persona të tjerë në një pritë të organizuar nga policia maqedonase në dalje të fshatit Radushë të Shkupit, derisa siç thuhej po transportonin armë me një furgon me targa false të Prilepit. Ndër personat e vrarë ishin edhe, Shaban Zenuni nga fshati Merovë, dhe Qemajl Fejzullahu nga fshati Gërçec të komunës së Sarajit, ndërsa personi i tretë është shtetasi i Kosovës, Xhafer Shala, nga Prishtina./almakos.com