Thaçi ia jep besën Cërvenkovskit

Ashtu edhe siç pritej, lideri i PDSH-së Menduh Thaçi dhe ai i LSDM-së Branko Cërvenkobvski, sot edhe e kanë zyrtarizuar marrëveshjen  e bashkëpunimit midis tyre si forcat më të mëdha opozitare tek maqedonasit dhe shqiptarët. 

Raportohet se takimi midis tyre është realizuar në restorantit “Petrol Company”, që ndodhet në hyrje të Tetovës. Gjatë këtij takimi pas të cilit partitë LSDM dhe PDSH do t’i japin mbështetje të ndërsjelltë të kandidatëve për kryetar të komunave, ishin të pranishëm edhe Arbër Xhaferi, Imer Aliu, Adrej Petrov dhe Igor Ivanovski. 

Thaçi dhe Cërvenkovski kanë dhënë premtimin se marrëveshja do të jetë transparente, si dhe se në të ardhmen do ta informojnë elektoratin lidhur me detajet e bashkëpunimit.  

Ndërkohë, i pari i PDSH – së ka shfrytëzuar rastin t’i kundërpërgjigjet kryeintegristit, Ali Ahmeti, duke e pyetur se pse Ahmeti vazhdon kolacionin me VMRO – DPMNE – në?

Sipas marrëveshjes, partitë do ta përkrahin njëra – tjetrën në ato komunat ku maqedonasit janë shumicë dhe në komunat ku shqiptarët janë shumicë. 

PDSH do të ketë mbështetjen e LSDM – së në Strugë, Dibër, Gostivar, Tetovë, Cair, Saraj, Studeniçan, Likovë, Tearcë, Bërvenicë dhe Zhelinë, ndërsa LSDM do ta ketë të njëjtin shërbim në në të gjitha komunat ku shqiptarët janë pakicë. /Almakos