Themelohet PYKA për ta çarë diskriminimin politik

Pas dy takimeve të grupit iniciativ për themelin e një koalicioni joformal të shoqërisë civile dhe autoriteteve individuale, për të ndihmuar proceset shoqërore, kulturore dhe politike në Maqedoni, në Shkup, u themelua Lëvizja PYKA.

Lëvizja PYKA nuk është parti politike, nuk ka lidhje me asnjë parti politike aktuale e as atyre në paralajmërim. Por PYKA nuk është edhe as organizim apolitik, që do të thotë se do ketë pozicione dhe pikëpamjet e veta për çështje të ndryshme politike, socio-ekonomike dhe kulturore. Qëndrime këto që në momentin e duhur do ti prezantohen opinionit.

Lëvizja PYKA ka miratuar emrin dhe logon e saj, ka krijuar dy grupe punuese të veçanta; një për shqyrtimin e tekstit final të deklaratës së saj të përgjithshme si dhe grupin punues për përpilimin e platformës së Lëvizjes PYKA, platformë ku do ta prezantohet vizioni i saj në lidhje me çështjet e rëndësishme për shoqërinë.

Lëvizja PYKA me platformë qytetare, të qëndrueshme, publikisht vizible, mëton të jetë faktor me ndikim shoqëror e politik, pjesëmarrës proaktiv në shoqëri, duke kontribuar në  demokratizimin e mëtejshëm të shoqërisë na Maqedoni.

Lëvizja PYKA është koalicion jo formal, inkluziv, përfaqësohet kolektivisht dhe me përfaqësim horizontal. Çdo anëtar i saj, qoftë person juridik ose individ, është i barabartë brenda Lëvizjes por edhe për përfaqësimin në opinionin publik. Së shpejti PYKA do të del me versionin përfundimtar të rregullave, strukturës dhe mekanizmave të vendimmarrjes dhe përfaqësimit të saj.

Renditja e emrave është alfabetike:

Azam Dauti,  shoqata SHKUPI

Bejtula Morina, OJQ ESNAF

Bekir Halimi, NUN – Kultura

Edmond Ademi, INSTITUTI LIBERTA- Qendra për hulumtime politike dhe ekonomike

Ekrem Dolek, Oda e Tregëtarve të Maqedonisë

Ekrem Vllasaku – OJQ “Prosperiteti”

Fadil Curri, shkrimtar dhe gazetar

Ilir Ajdini, gazetar

Imer Bajrami, piktor

Liman Jetishi, afarist

Petrit Saracini, aktivist në shoqërinë civile

Ramadan Ferati, afarist

Ramadan Ramadani, NISMA- Instituti për mendim të lirë

Sedat Ramadani, politolog

Sedat Shabani, teolog

Semi Mehmeti, gazetar

Kumtesa është e botuar e plotë