Berisha: Marrëdhëniet mes shqiptarëve dhe maqedonasve po shënojnë përparim

Duke iu përgjigjur pyetjes së parlamentarit francez Mishel, kryeministri shqiptar tha se "në këtë moment kishte probleme në Maqedoni, por ato probleme ndëretnike në realitet janë edhe për shkak të arsyeve të tjera"

Sali Berisha, kryeministri i Shqipërisë i cili kryeson me Komitetin e Ministrave të Këshillit të Evropës, të hënën në fjalimin para Asamblesë Parlamentare  të Këshillit të Evropës, theksoi se është vërejtur përparim i dukshëm dhe i qartë në marrëdhëniet mes shqiptarëve dhe maqedonasve në Maqedoni.

Duke iu përgjigjur pyetjes së parlamentarit francez Mishel, kryeministri shqiptar tha se "në këtë moment kishte probleme në Maqedoni, por ato probleme ndëretnike në realitet janë edhe për shkak të arsyeve të tjera". Pa treguar se për cilat arsye të tjera mendon, ai shtoi se Tirana është e interesuar për paqe dhe stabilitet në rajon.

"Për ne paqja dhe stabiliteti në Maqedoni janë me rëndësi vitale për rajonin. Për këtë ne jemi të interesuar për bashkëpunim dhe respekt të ndërsjellë mes shqiptarëve dhe maqedonasve" tha Berisha.

Sipas kryeministrit shqiptar, ekziston përparim i qartë në marrëdhëniet mes dy komuniteteve në Maqedoni, por se promovimi dhe zbatimi i tërësishëm i Marrëveshjes së Ohrit është me rëndësi vitale për paqen dhe stabilitetin si dhe ardhmërinë e marrëdhënieve mes shqiptarëve dhe maqedonasve në Maqedoni.