BDI-ja i "zgjodhi" problemet e shqiptarëve, tani merret me ndeshje sportive!

Sot u shënua 10 vjetori i partisë shqiptare në pushtet, BDI-së. Kështu kryesia e Bashkimit Demokratik për Integrim të drejtuar nga lideri i partisë, Ali Ahmeti, sot organizuan nje lojë futboll. Përmes lojës, zyrtarët e kësaj partie e kanë shënuar 10 vjetorin e themelimit të këtij subjekti politik. Sipas Alsat-m, lideri i BDI-së nuk ka dashur të prononcohet për media pas përfundimit të ndeshjes sportive.

Fitues i ndeshjes sportive në fudboll që u realizua në Gostivarë, ishte skuadra e Ali Ahmetit, duke shënuar fitore prej 5 me 3 ndaj skuadrës "kundërshtare". 

Sipas Gëzim Ostrenit, organizimi i ndeshjes në fudboll, është bërë me qëllim që degët dhe nëndegët të njihen më shumë ndërmjeti veti, dhe të kenë komunikim.

“Për të gjithë më është e njohur se BDI I ka bërë tanimë dhjetë vite që nga formimi I partisë politike është parti e gjeneratave të reja dhe ishte më se e nevojshme ta shënojmë këtë jubile të decenies së parë të  BDI-së. Kjo është edhe arsyeja që I hymë kësaj pune me kërkesë të rinisë dhe anëtarëve tjerë për të mundësuar që të njihen ndërmjet degëve të rinjtë me qytetarët, dhe të shohin qytetarët se BDI ka një plejadë të rinjsh vetëm në lojërat sportive si shah, futboll, pingpong dhe aktivitete tjera”, deklaroi  Gëzim Ostreni. /almakos

\