Izet Mexhiti: Mos u frikësoni!

Pas incidenteve të fundit ndër etnike në që ndodhën javën e kaluar në Maqedoni, konkretisht në kryeqytetin e saj, situata tashmë është pak sa më e mirë, por me tensione. Edhe më tej gjendja e sigurisë vazhdon të mbetet jo në nivelin e duhur, kjo shihet edhe nga numri shumë i madh i forcave policore të vendosura në çdo cep të kryeqytetit dhe jashtë saj.

Incidentet nisen pas vrasjes së pesëfishtë të maqedonëve dhe më pas grupe huliganësh maqedon nisen me sulme ndaj qytetarëve dhe kapitalit shqiptarë në disa vendbanime.

Kryetari i Komunës së Çairit në Shkup , Izet Mexhiti, tha për agjencinë e lajmeve “Kosova Info”, se situata e sigurisë në Shkup është e qetë pas incidenteve që ndodhën ditë më parë. Ai shtoi se qytetarët nuk duhet të kenë frikë, sepse situata e sigurisë është e mirë dhe nuk ka nevojë për panik.“Tensionet kanë rënë dhe situata është e mirë”, tha Izet Mexhiti.

Sipas tij i është dhënë hapësirë MPB-së për zbulimin e krimit dhe ai krim ka emër e mbiemër dhe nuk mund të identifikohet në kombe. “Fatkeqësisht disa grupe huliganësh dhe një pjesë e popullatës maqedonase ranë në provokime qëllim këqija që krimin të gjuajnë tek popullata shqiptare”, tha Izet Mexhiti.

Kryetari i Komunës së Çairit, tha se situata është e qetë, derisa incidenti ishte i rëndë dhe krijoi destabilizim ditë më parë, ndërsa tash situata është normalizuar.