Ueb faqja e "spiunëve" thyen rekorde në Maqedoni!

Shpallja e spiunëve në Maqedoni është shoqëruar me shumë kundërthënie. Për këtë Almakos në ironi bëri edhe një lajm-koment, bile duke pyetur edhe publikisht se: a edhe pulat e kundërshtarëve politik të Gruevskit e Ahmetit do i shpallin spiunë?. Mirëpo kjo është vetëm një pjesë e rrëfimit, sepse nga ana tjetër lexuesit duken shumë kurioz ti lexojnë emrat e "spiunëve", qofshin ato të vërtet apo jo.

Treguesi që jemi bazuar për këtë është shkrimi i nesërm i gazetës "Lajm", ku qartazi mund të konstatohet se ueb faqja e "spiunëve" ka thyer rekorde. Për shembull duke u bazuar në shkrimin e "Lajm-it", nëse në dy gusht këtë ueb faqe e kishin vizituar vetëm 184 persona, më katër gusht, kur edhe u shpalosën “spiunët” e parë, këtë ueb faqe e kanë lexuar 16.227 persona. Më pesë gusht, kur edhe vazhdoi publikimi i emrave të rinj këtë sajt e kanë vizituar 11.479 persona, ndërsa me gjashtë gusht deri në orën 16 e kanë vizituar 6,324 persona- transmeton Almakos.

Kështu numri i përgjithshëm i atyre që kanë lexuar emrat e spiunëve dhe dosjet arrin në 34.030 persona, por nëse supozojmë edhe ato që mund të jenë informuar nga këta 34.030, ky numër deri në tre herë mund të shumëfishohet./almakos.com