Surroi: Dell cakton orarin edhe kur duhet të shkojnë në WC politikanët e Prishtinës

Mes publicistit Veton Surroi dhe ambasadorit amerikan në Prishtinë ka plasur debati, ku intervistës së Dell, Surroi i përgjigjet ashpër."Në Prishtinë ka diplomatë të BE që ankohen se ndikimi destruktiv i Dellit shkon deri aty sa e cakton edhe orarin se kur mund të shkojnë në WC liderët lokalë.

Kur Kuvendi i Kosovës në shkurt 2011 në një atmosferë të kërcënimeve dhe shantazhit e zgjodhi në mënyrë antikushtetuese një matrapaz në postin e presidentit të Kosovës, rolin kyç-krahas kaubojit Sami Lushtaku e kidnapuesit të shtetit të quajtur Hashim Thaçi-e luajti ambasadori Dell.Mesazhet telefonike, që citojnë Dellin paraqesin ndërhyrje të drejtpërdrejtë në procesin zgjedhor të presidentit e do të mbesin në analet e historisë si moment i ndotjes së procedurave demokratike. Kur mediet i publikuan fotot me SMS, Dell inatçiu u përpoq t'u mbante ligjëratë gazetarëve për rregulla profesionale", thotë Surroi.

"Kur Kushtetuesja e quajti zgjedhjen e matrapazit, që kishte thënë "Srbija [je] još majka Kosova, nažalost, zla majka", si antikushtetuese Dell e nxori nga zarfi një emër: një police ordinere, me dije politike nën mesataren e shumë qytetarëve të zakonshëm të Kosovës, do të bëhej presidente.Atifete (kush?) Jahjaga! Marrëveshja politike, e arritur nën kërcënimet e Dellit, caktonte afatet kohore për zgjedhje të drejtpërdrejta presidenciale dhe për zgjedhje të parakohshme parlamentare, përfshirë dhe ndryshimet përkatëse në legjislacion.Nënshkrues të marrëveshjes ishin kryeministri, kanakari i tij dikur ish-komisar politik i Kremlinit, si dhe lideri i ngathët i opozitës", shkruan në letrën e tij Surroi.