Ja e vërtata rreth incidentit Gashi dhe Selimi

Gazeta “Tribuna Shqiptare”, ka sqaruar incidentin ndërmjet deputetëve të PDK-së dhe Vetëvendosjes, konkretisht ndërmjet deputetit të PDK-së, Latif Gashi dhe atij të Vetëvendosjes, Rexhep Selimi, në të cilin rastësisht ka qenë dëshmitare gazetarja e kësaj gazette, , Mendohije Krelani.

Nuk ishte tema për SHIK-un

“E shohim të nevojshme ta bëjmë këtë sqarim, sepse nëpër media të ndryshme ka pasur raportime të ndryshme, të cilat në disa momente nuk kanë thënë të vërtetën. E kjo sidomos ka të bëjë me pretendimin se incidenti ka nisur derisa gazetarja ka qenë duke marrë një prononcim rreth SHIK-ut.

Gazetarja Krelani nuk ka qenë duke marrë prononcim lidhur me SHIK-un” shkruan gazeta.

Më poshtë është rrëfimi i gazetares Mendohije Krelani:

Atë ditë isha duke u marr me deklaratën e sekretarit të NATO-së, lidhur me mos zvogëlimin e trupave të KFOR-it në Kosovë. Për këtë çështje kam marrë deklaratë lidhur me këtë temë nga kryetari i Komisionit për Siguri, Ahmet Isufi, ish-drejtori i Policisë së Kosovës, Behar Selimi dhe deputeti Rexhep Selimi.

Gjatë pauzës, jam afruar të marr deklaratë nga z. Selimi, i cili më ka thënë që të dalim jashtë për prononcim pasi që dëgjohet më mirë, sepse në ato momente në hollin e Kuvendit ishte pauza dhe kishte zhurmë.

Kështu që u nisëm për të dal jashtë, ndërsa për para meje ishte deputetja Blerta Deliu dhe deputeti Latif Gashi, i cili na ka përshëndetur miqësisht, ndërsa e ka hapur derën dhe na dhënë përparësi të gjithëve për të dalë jashtë.

Pasi një kohe të ndodhjes së incidentit e kam marrë prononcimin e lartpërmendur nga deputeti Selimi. Këtë e dëshmon edhe shkrimi i cili është botuar në “Tribuna Shqiptare”, më 29.06. 2012. E ripërsëris, tema e prononcimit nuk ka qenë SHIK-u./almakos