"Pashallarët" e Tiranës, Prishtinës e Reçicës që përdhosën Lidhjen e Prizrenit!

"Pashallarët" shqiptarë të Tiranës, Prishtinës dhe Shkupit kanë "përkujtuar" sot një nga ngjarjet më të mëdha në historinë e kombit shqiptar, përvjetorin e 134 te Lidhjes së Prizrenit. Duke u shkëputur nga retorikat neveritëse bombastike të tyre në adresë të atyre burrave të mençur që i dhanë kuptim dhe nder kombit shqiptar. Ajo që bie në sy, ështe fakti se përvjetori i kësaj ngjarje u përdhos, u përdor për interesa pushtetare.

Berisha, Thaçi, Ahmeti sot shkuan dhe folën në Prizren, njësoj si të ishin pashallarë turq të Pernadorisë Osmane. Cili ishte qëndrimi i kësaj Perandorie? Ishte përçarja ndërshqiptare, ishte pamundësimi i bashkimit të kombit shqiptar, ishte ruajtja e vilajeteve otomane. Shikoni me vëmendje se çfarë thanë tre poltikanët shqiptare. Pasi "lanë shpirtin" duke thënë ca fjalë të mira për drejtuesit e Lidhjes, ata nuk harruan të thonë: Shqiptaret do te bashkohen në Bruksel. Njësoj si para 134 vjetesh, kur Stambolli otoman i thoshte Abdyl Frasherit dhe Sule Vokshit, që "ju jeni ata që do bashkohi në Stamboll, çarë ju duhet kjo Lidhje, çfarë ju duhet Bashkimi ndërshqiptar". Neveri. Pështirosje nacionale. Fyreje ndaj te rënevë, fallsifikimi historisë. Që nga "Pashai" i Tiranës, Sali Berisha, deri tek 'pashai" i Prishtinës, Hashim Thaçi, e duke mbaruar tek "pashai" i Reçicës së vogël, Ali Ahmeti.

Sot, shqiptarët panë se si u "përkujtua" një nga ngjarjet më të mëdha të kombit, për te hedhur poshtë idetë e saj, për t'i braktisur edhe njëherë ato, nga ky soj poltikanësh neootomane që sundojnë kombin shqiptar./SHN-almakos