Nëna përzihet nga mbledhja me prindër në Britani, ngase nuk hoqi shaminë!

Një nënë e re, është përzënë nga mbledhja me prindër e organizuar nga Kolegji i Manchesternit, ku do flitej për arsimin e fëmijëve në kolegj, sepse ajo nuk pranoi të heqë percen, e cila i mbante pjesën më të madhe të fytyrës së mbuluar.

Rafique Maroon iu mohua futja në shkollë, sipas drejtuesve të kolegjit për arsye sigurie dhe mbrojtjen e fëmijëve, pasi rregullorja e institucionit nuk lejon futjen e personave më perce apo cdo lloj materiali që mbulon fytyrën.

Gruaja, është ftuar të hiqte percen ose përndryshe ajo do të duhej të hiqte dorë nga mbledhja, por Rafique, e cila ka kundërshtuar vendimin e drejtuesve të shkollë në mënyrë kategorike, ka marrë në telefon bashkëshortin dhe është larguar bashkë me djalin e tyre.

Nëna re, e cila prej 7 vitesh mbante percen ngado që shkonte tha: ‘ Unë kam lindur në këtë vend, pse duhet të ofendoj njerëzit? Nuk doja ta zgjasja shumë, gjithcka që doja ishte të merrja pjesë në mbledhje për të marrë një infromacion më shumë për djalin tim, i cili tani përgatitet të shkojë në Universitet.

Rafique sqaron se ajo ofroi të ulet prapa ose në një vend jo të dukshëm për të tjerët, ndërkohë më tej shtoi se djehej e fyer dhe e nervozuar se para asaj dite asnjë nuk kishte kundërshtuar veshjen e saj dhe nuk ka pasur kurrë një problem të tillë

Madje edhe djali i saj Aëais, student ekonomie, i cili shpreson të djekë kursin e kontabilitetit në Universitetin e Manchesternit, u shpreh i keqardhur dhe i habitur për atë që ndodhi: “Ajo ishte e turpshme. Më parë kurrë nuk ishte folur për rregullat e veshjeve që prindërit duhet të ndjekin.

Shkolla pas incidentit e mbrojti veten me argumentin se: “Kolegji ofron një ambient të sigurt që nxit zhvillimin. Ne aplikojmë të njëjtin kod në studentët dhe vizitorët. Në çdo kohë duhet të jetë e mundur të identifikohen të gjithë individët me lehtësi për të ruajtur sigurinë dhe kështu që ne e quajmë që fytyrat janë të dukshme. ” Në çdo rast, shkolla siguron se ai do të konsiderojë një rishikim të Rregullores pas histori.

Historia Rafique nuk është një rast i izoluar. Në mars, një grua tjetër myslimane u pengua nga të qenit pjesë e jurisë, gjatë një gjykimi gjyqësor për shkak të veshjes së saj. Në Francë, vitin e kaluar mes indinjatës dhe revoltës se grave myslimane është ndaluar mbulimi i fytyrës dhe përdoruesit detyrohen të paguajnë gjoba të rënda.