Berluskoni: Ryshfeti është i nevojshëm kur ke të bësh me vende të botës së tretë

Silvio Berluskoni ka mbrojtur përdorimin e ryshfetit në biznes duke thënë se është e nevojshme kur kompanitë italiane sigurojnë marrëveshje me kompani ndërkombëtare.

Ish-Kryeministri i Italisë tha se pagesat ilegale janë jetësore kur negocion me “vendet të botës së trete dhe regjime”. Berluskoni ka bërë një deklaratë të tillë në përgjigje ndaj skandaleve të korrupsionit në Itali.

Ai folu kundër arrestimit të Giuseppe Orsi-t, kreut të Finmeçanica, që akuzohet se ka paguar zyrtar të qeverisë Indiane për të siguruar një kontratë helikopteri.

Berluskoni garon për t’u zgjedhur kryeministër për herë të katërt në zgjedhjet e muajit të ardhshëm.

“Ryshfeti është një fenomen që ekziston dhe është e panevojshëm të mohohet ekzistenca e kësaj situate, e cila është e nevojshme për vendet e botës së tretë dhe regjimet”,tha Berluskoni në një intervistë për RAI 3.

“Këto nuk janë krime. Ne po flasim për pagesën si të thuash të një komisioni në këtë vend. Pse? Sepse këto janë rregullat në këtë vend”, ka shtuar ai.