Hamnei: Izraeli është “tumor kanceroz” i islamizmit

Lideri Suprem i Iranit, Ajatollah Ali Hamnei, i ka përsëritur kritikat ndaj Izraelit, që janë dënuar nga sekretari i përgjithshëm i OKB-së, Ban Ki-mun, nga Shtetet e Bashkuara dhe nga Bashkimi Evropian.

Në fjalimin e tij me rastin e festës së Bajramit, zoti Hamnei tha sot se Izraeli është “tumor kanceroz” dhe se paraqet problemin më të madh me të cilin ballafaqohen vendet myslimane.

Fjala “tumor” është shprehje të cilën Hamnei dhe presidenti iranian, Mahmud Ahmadinexhad, e përdorin për ta portretizuar Izraelin si një shtet jolegjitim.

Të mërkurën, Hamnei e cilësoi Izraelin si “krijesë false Sioniste”, e cila një ditë nuk do të ekzistoj.

Ahmadinexhadi, të premten, tha se “regjimi Sionist dhe sionistët janë tumor kanceroz”.

Ban Ki-mun, i cili është ftuar nga Irani që të marrë pjesë në një samit në Teheran, në fund të muajit gusht, tha se ishte “i tmerruar” nga “deklaratat ofenduese dhe nxitëse”.

Nuk duhet të harrojmë se shumë nga problemet që ka bota islame sot rrjedhin pikërisht nga ekzistenca e regjimit sionist kukull’ deklaroi Kamenei. Kjo nuk është hera e parë e një cilësimi të Izraelit si kancer, madje për këtë ai është dënuar edhe nga liderë të ndryshëm botëror. Edhe presidenti Ahmedinexhad, tha para disa ditësh se ekzistenca e Izraelit ishte fyerje për njerëzimin. Tensionet janë theksuar mes dy shteteve, dhe ditët e fundit, qeveria izraelite po stërvit popullatën në raste sulmesh të ndërsjella.