Ky është kamikazi që hodhi në erë autobusin me izraelitët(FOTO)

Është identifikuar ekstremisti që vrau turistët izraelitë në Burgas të Bullgarisë. Ai është një ish-i burgosur i Guantanamos. Quhet Mehdi Ghezali, njeriu që shkaktoi shpërthimin e autobusëve me turistë izraelitë në Bullgari, ku vdiqën 8 persona e u plagosën disa të tjerë, raporton agjencia e lajmeve noa.

Është suedez dhe njihet si ekstremist islamik. Pamjet e para të imazheve të tij janë publikuar nga televizioni bullgar EPA, për të ndërgjegjësuar qytetarët që ta identifikojnë dhe për të kërkuar gjithashtu dëshmitarë, për ngjarjen në Burgas.

Bëhet e ditur se videoja me imazhet e ekstremistit islamik është regjistruar nga një telekamerë survejuese. Identifikimin e kamikazit e kanë publikuar edhe mediet bullgare, edhe pse autoritet e këtij vendi ende nuk e kanë konfirmuar lajmin.

33-vjeçari Mehdi Ghezali, është shtetas suedez me origjinë algjeriane dhe finlandeze. Ai ka studiuar në një xhami në Angli dhe ka udhëtuar në Pakistan, Arabi Saudite dhe Afganistan. Ghezali ka qenë i burgosur në Guantanamo nga viti 2002 deri në 2004, vit në të cilin është transferuar në Zvicër.

Në vitin 2009 është arrestuar së bashku me 12 persona të tjerë të huaj, pasi kishte tentuar të kalonte kufirin për të shkuar në Afganistan. Për këtë ngjarje reagoi sot kryeministri shqiptar Sali Berisha, i cili dënoi ashpër atentatin ndaj turistëve izraelitë dhe ngushëlloi homologun izraelit për viktimat.