Obama: Nga dialogu Prishtinë-Beograd dobi do të kenë të gjithë qytetarët e Kosovës dhe rajoni

Nga dialogu midis Prishtinës dhe Beogradit dobi do të kenë të gjithë qytetarët e Kosovës dhe të gjithë rajonit, vlerësoi presidenti i SHBA-së Barak Obama.

Obama këtë e shkruajti në telegramin me të cilin presidentes kosovare Atifete Jahjaga ia uroi pesëvjetorin e pavarësisë së Kosovës, njoftuan mediat serbe.

Së bashku me përshëndetjet për progresin e arritur dhe për pezullimin e pavarësisë së mbikëqyrur, Obama thekson se para Kosovës pason shumë punë që duhet të kryhet.

"Ua dërgoj përshëndetjet e mira më të përzemërta Juve dhe popullit të Kosovës me rastin e pesëvjetorit të pavarësisë së shtetit Tuaj. Vendi Juaj historikisht hapëron për përfundim të pavarësisë së mbikëqyrur", thuhet në telegramin e Obamës.

Në të theksohet se Kosova arriti progres në konsolidimin e institucioneve demokratike, përforcimin e rregullimit juridik dhe ekonominë dhe zhvillimin e shtetit tolerant multinacional. "Gjithashtu, është arritur përparim në dialogun me Serbinë, që çon përpara drejt normalizimit të marrëdhënieve dhe nga e cila dobi do të kenë të gjithë qytetarët e Kosovës, fqinjët Tuaj dhe gjithë rajonin", deklaroi presidenti i SHBA-së.