Zvogëlohet rreziku nga dalja e Athinës nga eurozona

 Rreziku se Greqia do të jetë e detyruar ta braktisë eurozonën dukshëm është zvogëluar, deklaroi sot guvernatori i Bankës Qendrore, Jorgos Përvopulos, duke iu referuar zbatimit vendimtar të reformave strukturore.

"Rreziku se Greqia do të dalë nga eurozona është zvogëluar në mënyrë drastike", tha Përvopulos.

Guvernatori bëri thirrje në implementim më agresiv të reformave strukturore, në të cilat Athina është e obliguar në këmbim për miliarda euro nga pakoja e ndihmës nga Bashkimi Evropian, Banka Qendrore Evropiane dhe Fondi Monetar Ndërkombëtar.

"Është e gjatë lista e punëve, të cilat duhet t'i bëjmë, pas çështjes për privatizim, reformat e tregut të mallrave dhe shërbimeve, përmirësimin e mekanizmit të grumbullimit të tatimeve, e cila është plot me dobësi", tha ai.

Revizorët e BE-së, BQE-së dhe FMN-së do të kthehen në Athinë më së voni në këtë muaj për të vlerësuar se si përparojnë reformat. Nga raporti i tyre varet nëse Greqisë do t'i paguhet kësti i ardhshëm i ndihmës në vlerë prej 2,8 miliardë euro.